बालोन डी’ओर अवार्डका लागि ३० खेलाडीको मनोनयन सार्वजनिक, अटाएनन् मोड्रिच

एजेन्सी । सन् २०१९ को बालोन डी’ओर अवार्डको खेलाडी मनोनयन सार्वजनिक गरिएको छ । फ्रेन्च फुटबल एसोसिएसनले सोमबार राति ३० जना खेलाडीको मनोनयन सार्वजनिक गरेको हो । ३० सदस्यीय सुचीमा साविक विजेता लुका मोड्रिच अटाएका छैन् ।

क्रोएसिया तथा स्पेनिस क्लब रियाल म्याड्रिडका मिडफल्डर मनोनयनको प्रारम्भिक सुचीमा नअट्नु रहस्यमय बनेको छ । मनोनयनमा इङ्लिस क्लब लिभरपुलका सर्वाधिक सात खेलाडी परेका छन् ।

यसैगरी मनोनयनको सुचीमा पाँच पाँच पटकका विजेता युभेन्ट्सका क्रिस्टियानो रोनाल्डो र बार्सिलोनाका लियोनेल मेस्सी पनि समावेश छन् । डच क्लब आयक्सबाट अघिल्लो सिजन खेलेका र यस सिजन छाडेका समेतगरी चार र बार्सिलोनाबाट पनि चार खेलाडी मनोनयनमा छन् । विश्वका एक सय ८० देशका पत्रकारको भोटका आधारमा प्रदान गरिने यस अवार्ड फ्रान्सले सन् १९५६ देखि सञ्चालन गर्दै आएको छ । गतबर्ष मोड्रिचले रोनाल्डोलाई मतका आधारमा पछि पार्दै उक्त अवार्ड पहिलो पटक जितेका थिए । विजेताको घोषणा डिसेम्बर २ तारिख पेरिसमा हुनेछ ।

मनोनयनको प्रारम्भिक सुची

साडियो माने – लिभरपुल

सर्जियो अगुइरो – म्यानचेस्टर सिटी

फ्रान्की डि जोङ – आयाक्स÷बार्सिलोना

ह्युगो लोरिस – टोट्टनहाम

डुसान टाडिक – आयाक्स

केलियन एमबाप्पे – पीएसजी

टे«न्ट एलेक्सान्डर अर्नाेल्ड – लिभरपुल

डोनी भान डि बिक – आयाक्स

पिर्रे हेनरिक ओउवामियाङ – आर्सनल

मार्क आन्द्रे टेर स्टेगन – बार्सिलोना

क्रिस्टियानो रोनाल्डो – युभेन्ट्स