काठमाडौँ । नेपाली काँग्रेसले राष्ट्रिय सभा निर्वाचनमा छनौट गर्न वाँकी रहेका १,२ र ३ नम्वर प्रदेशका उम्मेदवार नामावली टुंगो लगाएको छ । छनौट गरिएका उम्मेदवारहरुमा अधिवक्ता राधेश्याम अधिकारी र लोकतान्त्रिक फोरमबाट नेपाली काँग्रेसमा मिसिएका जीतेन्द्र देव पनि परेका छन् । अधिकारी र देव खुला समुहबाट छनौटमा परेका हुन् ।
यी हुन् उम्मेदवार :
प्रदेश नम्वर १
रमेशजंग रायमाझी, (खुला)
सरिता प्रसाई (महिला)
प्रदेश नम्वर २
जीतेन्द्र नारायण देव (खुला)
मुक्ता कुमारी यादव (महिला)
प्रदेश नम्वर ३
राधेश्याम अधिकारी, काठमाडौं (खुला)
धना खतिवडा, ललितपुर (महिला)
प्रधानमन्त्री निवास बालुवाटारमा हिजो बसेको पार्टी पदाधिकारी बैठकले प्रदेश नं ४, ५, ६ र ७ मा पार्टीका तर्फबाट उम्मेदवारको नाम टुंगो लगाएको थियो ।
बैठकले प्रदेश नं ४ मा सुरेन्द्रराज पाण्डे (खुला), बृन्दा रानामगर (महिला), जीतबहादुर नेपाली (दलित), प्रकाश पन्त (अपाङ्ग), प्रदेश नं ५ मा दुर्गाप्रसाद उपाध्याय (खुला), अनिता देवकोटा (महिला), मैकुलाल वाल्मीकी (दलित), लुटबहादुर खत्री (अपाङ्ग) लाई उम्मेदवार बनाएको हो ।
त्यस्तै, काँग्रेसले प्रदेश नं ६ मा विष्णुबहादुर शाही (खुला), सूर्यदेवी मल्ल (महिला), सीताराम विक (दलित), गोपाल शर्मा (अपाङ्ग) लाई उम्मेदवार बनाएको छ । यसअघि पार्टीले सोमबार प्रदेश नं. ७ बाट बद्री पाण्डे (खुला), तारादेवी भट्ट (महिला), धर्मराज जोशी (अपांग), र शेरीराम पार्की (दलित) लाई उम्मेदवार बनाउने निर्णय गरेको थियो ।
निर्वाचन आयोगले राष्ट्रियसभा निर्वाचनको कार्यतालिकाअनुसार आइतबार सातवटै प्रदेशमा रहेका निर्वाचन अधिकृतको कार्यालयमा मतदाता नामावली प्रकाशित गरिसकेको छ । आयोगको तालिकाअनुसार माघ १० गते उम्मेदवारको मनोनयन दर्ता, माघ १५ गते उम्मेदवारको अन्तिम नामावली प्रकाशन र माघ २४ गते बिहान १० बजेदेखि दिउँसो ३ बजेसम्म राष्ट्रियसभा सदस्यका लागि मतदान हुनेछ ।
प्रतिक्रिया दिनुहोस