भरतपुरका हरेक घरमा छिटै शुद्ध खानेपानी पुग्छ: महानगर प्रमुख दाहाल

चितवन । भरतपुर महानगरपालिका प्रमुख रेनु दाहालले भरतपुरका हरेक घरमा छिटै शुद्ध खानेपानी पु¥याउने बताउनुभएको छ । उहाँले काठमाडौँजस्तो पानी नपाउने अवस्था आउन नदिने बताउनुभयो । 
भरतपुर खानेपानी व्यवस्थापन बोर्डको आज भएको अन्तक्र्रिया कार्यक्रममा महानगर प्रमुख दाहालले भरतपुर महानगरका हरेक नागरिकको घरमा शुद्ध खानेपानी पु¥याउन आफू लागिरहेको बताउनुभयो । उहाँले भन्नुभयो, ‘खानेपानी विस्तार हुँदै गइरहेको छ, शुद्ध खानेपानीको पहुँच महानगरवासीलाई सहज रुपमा उपलब्ध गराउन कुनै कसर बाँकी राख्ने छैन ।’
अहिले भरतपुरमा ४३ प्रतिशत नागरिकमा शुद्ध खानेपानी पुगेको छ । महानगर प्रमुख दाहालले भनिन्, ‘वर्सेनि खानेपानीको पहुँच बढ्दै जान्छ ।’

खानेपानी वितरण र विस्तारमा केही समस्या सडक विस्तार, ढल व्यवस्थापन र विद्युत्को कारणले आएको उहाँले बताउनुभयो । 
महानगरकी उपमेयर पार्वती शाहले शुद्ध पानी वितरण गर्दा सडक, विद्युत् र ढल व्यवस्थापनका लागि महानगरले नीति ल्याउने तयारी गरेको बताउनुभयो  । कार्यक्रममा बोर्डका कार्यकारी निर्देशक प्रजापति दाहालले बोर्डले हालसम्म गरेका प्रगति बारेमा प्रकाश पार्नुभएको थियो । 
बोर्डले हालसम्म १ देखि १६ र २२ मा शुद्ध पानी दिदै आएको छ । ३३ वटा डिप बोरिङ्गमार्फत दैनिक १२ घण्टा पानी दिँदै आएको छ । दैनिक औषत २ करोड ५ लाख लिटर पानी उत्पादन गरी वितरण गरेको बोर्ड प्रमुख प्रशासकीय अधिकृत एवम् सूचना अधिकारी संजय बरालले जानकारी दिनुभयो ।