बारा । नेपाल कम्युनिस्ट पार्टीका अध्यक्ष पुष्पकमल दाहाल प्रचण्डले पार्टीका तर्फबाट बारा र पर्सामा हावाहारीका कारण मृत्यु भएका परिवारलाई प्रतिपरिवार ५ लाख रुपैयाँ दिने घोषणा गरेका छन् ।
मंगलबार बाराको फेटा गाउँपालिका ६ बरैनियाँ पुगेका प्रचण्डले मृतक परिवारलाई प्रतिपरिवार ५ लाख रुपैयाँ दिने घोषणा गरेका हुन् । राहत बितरण गर्दै प्रचण्डले भने, ‘हावाहुरीका कारण मृत्यु भएका परिवारका लागि पार्टीको तर्फबाट प्रतिपरिवार पाँच लाख दिने व्यवस्था गर्छौं, त्यसका लागि मैले आवश्यक पहल गर्नेछु ।
’उनले मधेस शोकमा रहेका बेला सिंगो देशले सहयोग गर्नुपर्ने बताए। हावाहुरीबाट प्रभावितलाई भेट्न मधेस गएका प्रचण्डले मंगलबार नै पर्साको वीरगञ्जस्थित नारायणी उपक्षेत्रीय अस्पतालमा उपचाररत घाइतेहरुलाई पनि भेटेका थिए ।
पीडित परिवारलाई भेट्दै प्रचण्डले भने, ‘मृतकका परिवारलाई कम्तिमा पाँच लाख उपलब्ध गराउनेछौं। त्यसका साथै हावाहुरीका कारण भत्किएका घरहरुको पूनर्निर्माण राज्यले गर्छ ।’
प्रतिक्रिया दिनुहोस
सफल खबर संवाददाता
मंगलबार, १९ चैत्र २०७५, १६ : १९
लेखकबाट थप