काठमाडौं । सातवटै प्रदेशका प्रमुख तोक्ने तयारीमा रहेका प्रधानमन्त्री शेरबहादुर देउवाले मंगलबार एमाले र माओवादीका नेताहरुसँग छलफल गर्दैछन् । यो छलफलपछि दिउँसो चार बजे मन्त्रिपरिषद बैठक बोलाइएको छ ।
प्रधानमन्त्रीको सचिवालयका अनुसार एमाले र माओवादीका शीर्ष नेताहरुलाई छलफलका लागि बिहान ९ बजे प्रधानमन्त्री निवास बालुवाटारमा बोलाइएको छ ।
एमाले माओवादीसँग छलफलपछि आज बस्ने मन्त्रिपरिषद बैठकले प्रदेश प्रमुख तथा प्रदेशको अस्थायी सम्पर्क कार्यालय खोल्ने निर्णय हुने बताइएको छ ।
सरकारले प्रदेश प्रमुख नतोकिँदा निर्वाचन आयोगले प्रदेशसभातर्फको समानुपातिक तर्फको निर्वाचन परिणाम बुझाउन पाएको छैन भने यसकै कारण राष्ट्रियसभा निर्वाचनमा पनि ढिलाइ भइरहेको छ ।
प्रतिक्रिया दिनुहोस