काठमाडौं । त्रिवि शिक्षण अस्पतालस्थित अनशनस्थलबाट पक्राउ गरेर सर्वोच्च अदालत पुर्याइएका चिकित्सक गोविन्द केसीको समर्थनमा आज बुधबार पनि माइतीघरमा प्रदर्शन भएको छ । केसीले अदालतको अवहेलना गरेको मुद्दामा सर्वोच्चमा बहस भइरहेका बेला माइतीघरमा प्रदर्शन भएको हो ।
न्यायाधीशद्वय पुरुषोत्तम भण्डारी र वमकुमार श्रेष्ठको संयुक्त इजलासमा बहस भइरहेको छ । डा. केसी आफैंले पनि इजलासमा उपस्थित भएर आफ्नो धारणा राखेका छन् ।
सर्वोच्चमा बहस भइरहँदा नजिकै माइतीघर मण्डलामा भने प्रधान न्यायाधीश गोपल पराजुलीले राजीनामा दिनुपर्ने र गोविन्द केसीलाई तत्काल रिहा गर्नुपर्ने माग गर्दै प्रदर्शन भइरहेको छ ।
सर्वोच्च अदालतको इजलासमै प्रधानन्यायाधीश गोपाल पराजुली भ्रष्ट र माफिया भएको बताएका छन् ।
प्रतिक्रिया दिनुहोस