काठमाडौं । त्रिदेशीय महिला टी–२०आई सिरिजका पहिलो खेलमा नेपालले टस जितेर फिल्डिङ रोजेको छ ।
कीर्तिपुरस्थित त्रिवि क्रिकेट मैदानमा टस जितेर कप्तान इन्दु बर्माले नेदरल्याण्ड्सलाई ब्याटिङको निम्तो दिएकी हुन् । सिरिजमा नेपाल, नेदरल्याण्ड्स र थाइल्याण्ड खेल्नेछन् । नेपालले महिला क्रिकेटमा पहिलो पटक नेदरल्याण्ड्ससँग भिड्न लागेको हो ।
सिरिजका एक टोलीले ६ खेल खेल्नेछ । नेपालले नेदरल्यान्डस् र थाइल्यान्डसँग ३–३ खेल खेल्नेछ । नेदरल्यान्डस् र थाइल्यान्डले पनि एक आपसमा ३ खेल खेल्नेछन् । यी खेल सकिएपछि अंकतालिकाको शीर्ष स्थानमा रहने टोलीले सिरिजको उपाधि जित्नेछ ।
प्रतिक्रिया दिनुहोस
सफल खबर संवाददाता
विहीबार, १७ माघ २०८१, १२ : १७
लेखकबाट थप