ऋण तिर्न हकप्रद जारी गर्दै मोदी खोला जलविद्युत आयोजना

काठमाडौँ । मोदी खोला जलविद्युत आयोजनाले हकप्रद (राइट सेयर) जारी गर्ने भएको छ । हाल ऋणमा रहेको कम्पनीले सोही ऋण चुक्ता (भुक्तानी) गर्नका लागि हकप्रद सेयर जारी गर्न लागेको हो ।

साउन ३० गते बसेको कम्पनी सञ्चालक समितिको बैठकले ऋण चुक्ताका लागि कम्पनीको कायम चुक्ता पुँजीको १ः १ (एक सेयर बराबर एक नयाँ सेयर) को अनुपातमा हकप्रद जारी गर्ने निर्णय गरेको हो ।

तथापि, नियामक विद्युत् नियमन आयोगको स्वीकृति पश्चात् मात्र कम्पनीले हकप्रद सेयर जारी गर्न पाउँछ । हकप्रदका लागि आयोगमा प्रस्ताव गर्ने र स्वीकृति पश्चात् आगामी वार्षिक साधारण सभामा पेस गरेर जाने कम्पनीले जनाएको छ ।