बुधबार अन्तर दिनको कारोबारमा २६ सय विन्दु भेटेको नेप्सेमा कारोबार अवधिमा पटक–पटक ८५ अंक बराबरको 'स्विङ' देखियो। कारोबार अवधिमा नेप्से बढ्दा ३७ अंकले बढ्ने र घट्दा भने ५० अंकसम्म ओर्लिएको थियो। यस दिन नेप्सेले २६००.४१ मा उच्च विन्दु र २५१३.९१ मा न्यून विन्दु बनायो।
असार ३१ गतेदेखि हरेक दिन बढेर ३ सय २३ अंक जोडेको नेप्सेले बुधबार भने २७.३२ अंक गुमायो। बुधबार नेप्से २७.३२ अंकले घटेर २५३६.११ विन्दुमा बजार बन्द भएको छ।
बजार उच्चले बढिरहेकोले धेरै लगानीकर्ताहरू प्रोफिट बुकिङमा लागेकोले पनि बुधबार नेप्सेमा करेक्सन आएको हो।यसदिन कारोबार रकम ३६ महिना नै उच्च भएको छ।
यस दिन १६ अर्ब २० करोड रूपैयाँको कारोबार भएको छ। यसअघि २०७८ भदौ ३ गते बजारमा २० अर्ब ४९ करोड रूपैयाँको कारोबार भएको थियो।मंगलबार भने १४ अर्ब ११ करोड ६३ लाख रूपैयाँको कारोबारको सेयर कारोबार भएको थियो।
अघिल्लो दिनको तुलनामा कारोबार रकममा दुई अर्ब नौ करोड रूपैयाँ वृद्धि भएको हो। यस दिन ३११ वटा धितोपत्रको चार करोड सात लाख ४७ हजार २२६ कित्ता सेयर किनबेच भएको हो।
बुधबार ४६ कम्पनीको सेयर मूल्य बढेको छ भने १९४ वटाको घटेको छ। यस्तै, दुई कम्पनीको सेयर मूल्य स्थिर रहेको छ। यसदिन तीन कम्पनीको सेयर मूल्य सर्किट लेभलमा बढेको छ।
बोटलर्स नेपाल तराइ, एसियन हाइड्रोपावरको मूल्य १० प्रतिशतका दरले बढेको छ भने चन्द्रागिरी हिल्सको मूल्य ९.९७ प्रतिशतले बढेको छ। चिरख्वा हाइड्रोपावरको मूल्य सर्वाधिक ७.७९ प्रतिशतले घटेको छ। उक्त कम्पनीको मूल्य ७१० रूपैयाँ कायम भएको छ।
यस्तै, सुपर मादी हाइड्रोपावरको मूल्य ६.०८ प्रतिशतले घटेर प्रति कित्ता मूल्य ७४१ रूपैयाँ कायम भएको छ।। बुधबार हिमालयन रिइन्स्योरेन्सको सर्वाधिक कारोबार भएको छ। कम्पनीको प्रतिकित्ता मूल्य ६६३ रूपैयाँ ८० पैसामा ३६ करोड ७ लाखको सेयर कारोबार भएको छ।
यो मूल्य अघिल्लो दिनको तुलनामा १.९५ प्रतिशत घटेको हो। सर्वाधिक सेयर खरिद–बिक्री हुने दोस्रो कम्पनीमा शिवमु सिमेन्ट रहेको छ। उक्त कम्पनीको प्रतिकित्ता ५७४ रूपैयाँमा ३४ करोड २२ लाख रूपैयाँ बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये वित्त र होटल्स तथा पर्यटन समूहको परिसूचक बढेको छ भने बाँकी सबै समूहको परिसूचक घट्दा समग्र नेप्से घटेको हो।
यसदिन व्यापार समूहको परिसूचक सर्वाधिक ३.०९ प्रतिशतले घटेको छ भने वित्त समूहको परिसूचक सर्वाधिक १.१६ प्रतिशतले बढेको छ।
प्रतिक्रिया दिनुहोस
सफल खबर संवाददाता
बुधबार, ०९ साउन २०८१, १५ : २४
लेखकबाट थप
सम्बन्धित समाचारहरु
१२ अंकले घट्यो नेप्से परिसूचक, ५ दिनमा २२ अंकको गिरावट
नेप्से परिसूचक सामान्य अंकले बढ्यो, साढे १३ अर्ब बढीको कारोबार
२७ सयमुनि झर्यो सेयर बजार
३६.८३ अंकले घट्यो नेप्से, ४ दिनमा १४५ अंकको गिरावट
अन्तिम समयमा ३.८० अंकको वृद्धि भएर बन्द भयो सेयर बजार
सेयर बजारमा पहिरो, इन्डेक्स २७ सयमा झर्याे