काठमाडौँ । अष्ट्रेलियामा १२ वर्षीया बालिकालाई गोहीले खाएको छ । अष्ट्रेलियाली मिडिया एबीसीका अनुसार घटना पालुम्पा क्षेत्रमा भएको हो । बालिका मंगलबार दिउँसो पौडी खेल्न गएकी थिइन् । राति अबेरसम्म बालिकासँग सम्पर्क नभएपछि परिवारले प्रहरीमा हराएको उजुरी दिएका थिए ।
प्रहरीले बालिकाको खोजीका लागि स्थानीयको सहयोग मागेको थियो । यसका लागि प्रहरीले पार्क सञ्चालक र वन विभागको विशेष टोली गठन गरेको थियो । प्रहरीले बुधबार साँझ स्विमिङ पुल नजिक बालिकाको रगतले लतपतिएको लुगा फेला पारेको थियो ।
त्यसपछि पूरै क्षेत्रमा त्रास फैलियो । प्रहरीले बिहीबार बिहानदेखि खोजी कार्यलाई तीव्र पारेको थियो । यसपछि केही दूरीमा बालिकाको शव फेला परेको थियो ।बिहीबार बिहानै उक्त क्षेत्रमा गोही देखेको प्रहरीले जनाएको छ । त्यसपछि वन विभागको टोलीले स्विमिङ पुल नजिकै गोहीको सङ्केत पाएपछि बालिकालाई गोहीले खाएको प्रष्ट भएको थियो ।
बालिकाका परिवारका अनुसार उनीहरु बिदा मनाउन पलुम्पा आएका थिए । यस अवधिमा उनले बालिकाका लागि पौडी खेल्ने कक्षा सञ्चालन गरेका थिए । पालुम्पाका मुख्यमन्त्री इभा ललरले यस घटनाप्रति दुःख व्यक्त गर्दै यो घटनाले हृदयविदारक भएको बताइन्। उनले गोहीबाट जनतालाई जोगाउन अझै पहल गर्न बाँकी रहेको बताइन् ।
उनले उत्तरी क्षेत्रमा गोहीको संख्या बढ्दै गएको बताउदै यसलाई रोक्न आवश्यक रहेको बताएकी छन् ।
प्रतिक्रिया दिनुहोस
एजेन्सी
शनिबार, २२ असार २०८१, ११ : २३
लेखकबाट थप
सम्बन्धित समाचारहरु
भारत र अष्ट्रेलियाबीच समुद्री सुरक्षा वार्ता
अष्ट्रेलियामा कोभिड–१९ का कारण मृत्युदर अझै पनि उच्च
अष्ट्रेलियाकी महिला सांसदमाथि यौन दुर्व्यवहार !
अष्ट्रेलियाको बेरोजगारी दर ३.८ प्रतिशतले वृद्धि
अष्ट्रेलियामा ६ जनाको हत्या गर्नेको पहिचान
अष्ट्रेलियामा भारी वर्षा, सिड्नी एयरपोर्टमा १०० भन्दा बढी उडान रद्द