काठमाडौं। पाकिस्तान - पाकिस्तानको सिन्ध प्रान्तको सङ्घर जिल्लामा बोरिङको दूषित पानी पिउँदा पाँच बालबालिकाको ज्यान गएको एआरवाई न्युजले जनाएको छ । सङ्घरका उपायुक्तले सङ्घरको नजिकैको हाते पम्पबाट तानिएको दूषित पानीसेवन गर्दा चारदेखि आठ वर्ष उमेर समूहका पाँच जना बालबालिकाको मृत्यु भएको हो ।
एआरवाई न्यूजका अनुसार विषाक्त पानी सेवनको घटनापछि तुरुन्तै उनीहरूलाई अस्पतालमा लगिएको अधिकारीले जनाएका छन् । उनीहरूको उपचारको क्रममा अस्पतालमा मृत्यु भएको हो ।
पानी सेवन गरेपछि उनीहरूले ज्वरो बान्तालगायत असहजताको सामना गरेका थिए । घटनापछि स्वास्थ्य अधिकारीसहितको एक टोली पानीको परीक्षण गर्न उक्त गाउँमा पठाइएको थियो ।जिल्ला स्वास्थ्य अधिकारीले पानीमा हानिकारक पदार्थ रहेको प्रमाणित गरेपछि कृषिका लागि चलनमा रहेको हातेपम्पसमेत बन्द गरिएको छ ।
प्रतिक्रिया दिनुहोस
सफल खबर संवाददाता
शनिबार, २४ चैत्र २०८०, १३ : ४७
लेखकबाट थप
सम्बन्धित समाचारहरु
इनार खन्ने क्रममा निसास्सिएर दुई जनाको मृत्यु
जङ्गलमा लागेको आगो घरमा सल्किँदा घर नष्ट
जगातीमा कारको ठक्करबाट स्कुटर चालकको मृत्यु
ललितपुरमा डढेलो निभाउने क्रममा घाइते भएका एक जनाको मृत्यु
रुकुम पश्चिममा ट्रककाे ठक्करबाट मोटरसाइकल चालककाे मृत्यु
मणिपुरमा भारतीय प्रहरीमाथि कुकी समूहको आक्रमण, २ जनाको मृत्यु