माओवादलाई विकास गरी नयाँ समाजवादी विचार निर्माण गर्नु आवश्यक छ : गिरिराजमणि पोखरेल

काठमाडौँ । नेकपा माओवादी केन्द्र सम्पर्क समन्वय समितिका इन्चार्ज गिरिराजमणि पोखरेलले माओवाद विचारलाई विकास गरेर नयाँ समाजवादी विचार निर्माण गर्नुपर्ने बताएका छन् ।

आइतबारदेखि सुरु भएको पार्टीको केन्द्रीय समितिको बैठकमा रुपान्तरण अभियानको समीक्षात्मक रिपोर्टिङ गर्दै उनले नयाँ विचार बनाउनुपर्ने धारणा राखेका हुन् ।

पछिल्लो समय प्रतिगामी शक्तिहरू सलबलाउन थालेको तर्फ इंगित गर्दै उनले अभियान जारी राख्नुपर्ने बताएका छन् । अभियानले समग्रमा पार्टीलाई सुदृढ र चलायमान बनाउन भूमिका खेलेको उनको निष्कर्ष रहेको छ ।

बैठकमा उनीसहित उपत्यका विशेषका इन्चार्ज वर्षमान पुन, प्रवास इन्चार्ज राम कार्की र गण्डकी प्रदेशका देवेन्द्र पौडेलले रिपोर्टिङ गरिसेका छन् ।