पाँच खेलमा शतप्रतिशत जीत निकाल्दै रियल समूह विजेता

एजेन्सी । युरोपेली च्याम्पियन्स लिग फूटबल स्पेनिस क्लब रियल म्याड्रिडले लगातार पाँचौ जित दर्ता गरेको छ । घरेलु मैदानमा नापोलीलाई बुधवार राति ४–२ ले पराजित गरेसँगै समूह ‘सी’मा रहेको रियलले ५ खेलमा शतप्रतिशत नतिजा निकालेको हो ।  

खेलमा अग्रता नापोलीले लिएको थियो । तर सर्वाधिक १४ पटकको विजेता रियलले पुनरागमन गरेको हो । जिओभानी सिमिओनीले नवौं मिनेटमा गोल गर्दै नापोलीलाई अग्रता दिलाए ।

त्यसको दुई मिनेटपछि नै रोड्रिगोले ब्राहिम डियाजको पासलाई सदुपयोग गर्दै खेल बराबरीमा ल्याए । २२ औं मिनेटमा जुडे बेलिंघमले गोल गरेपछि रियल पहिलो हाफमा २–१ ले अघि बढ्यो ।

दोस्रो हाफको ४७ औं मिनेटमा जाम्बो अन्गिसाले नापोलीलाई बराबरीमा ल्याए ८४ औं मिनेटमा निको पाजको गोलमा रियल पुनः अघि बढ्यो । अतिरिक्त समयमा जोसेलुले गोल थप्दै रियलको ४–२ को जित पक्का गरे ।