लण्डन । पाकिस्तानका पूर्व प्रधानमन्त्री इमरानका सल्लाहकारमाथि बेलायतस्थित निवासबाहिर एसिड आक्रमण भएको छ । मिर्जा शहजाद अकबरले एसिड आँखामा पर्नबाट जोगिए पनि उनको शरीरमा भने चोट लागेको बताएका हुन् ।
सामाजिक सञ्जाल एक्समा लेख्दै अकबरले आक्रमणकारीहरूले एसिड फालेर भागेको जानकारी दिएका छन् । उनले यस्तो कार्यबाट आफू नडराएको र कदापि नझुक्ने बताएका छन् । उनले परिवारसहित पाकिस्तान छाडेर बेलायत आए पनि कयौँ धम्की आएको जानकारी दिए । उनले यस घटनामा को संलग्न हुन सक्छन् भन्ने चाहिँ खुलाएनन्।
प्रहरीले यस विषयमा अनुसन्धान गरिरहेको बताए पनि हालसम्म कसैलाई पक्राउ गरेको छैन । इमरान खानलाई गत वर्ष पदबाट हटाइएको थियो हाल उनी विभिन्न आरोपमा जेलमा रहेका छन् । खानले यसलाई राजनीतिबाट प्रेरित भएको बताउँदै आएका छन् भने पाकिस्तानी अधिकारीहरूले उक्त आरोप अस्वीकार गर्दै आइरहेका छन् ।
प्रतिक्रिया दिनुहोस
सफल खबर संवाददाता
मंगलबार, १२ मंसिर २०८०, १३ : ०७
लेखकबाट थप