यार्सा संकलन गर्दै गर्दा हिउँ पहिरोमा परि बेपत्ता भएका २ जनाको शव फेला

काठमाडौ । यार्सा संकलन गर्दै गर्दा बझाङमा हिउँ  पहिरोमा परि बेपत्ता भएका २ जनाको शव फेला परेको छ ।

आइतबार हिउँ पहिरो मा परि यार्सागुम्बा संकलन गर्न लागेका जयपृथ्वी नगरपालिका ११ घर भएका बर्ष  १८का रमिता धामी र बर्ष १४ का जामती धामी बेपत्ता भएका थिए । हिजो देखि हिउँ पहिरोमा परि बेपत्ता भएका उनको शव फेला परेको जिल्ला प्रहरी कार्यालय बझाङ का डियसपि जागेश्वर भण्डारी ले बताए ।

यार्सा संकलन गर्ने क्रममा आइतबार सुर्मा गाउँपालिका २ को धानसेरा भन्ने लेकमा हिउँ पहिरो मा परि सुर्मा गाउँपालिका ३ का ३८ वर्षिया रामकोइला देबि बोहराको हिजो नै शव फेला परि सकेको र आज फेरि बेपत्ता भएका २ जनाको शव फेला परेको उनको भनाइ छ ।

सोमबार सम्म हिउँ पहिरोमा परि मृत्यु हुनेको संख्या ३ पुगेको छ । सुर्मा गाउँपालिका ३ बर्ष  ४० का बाबजी बोहरा, जयपृथ्वी नगरपालिका ११ घर भएका बर्ष  १४ का आकाश धामी घाइते भएका छ्न ।

बझाङमा बर्सेनि यार्सा संकलन गर्दै गर्दा  हिउँ पहिरो तथा भिरबाट खसेर धेरैले ज्यान गुमाउनु परेको छ ।