काठमाडौँ । साफ यू–१७ महिला च्याम्पियनसिप फुटबल प्रतियोगितामा नेपालकी गोलकिपर सुजाता तामाङ उत्कृष्ट घोषित भएकी छन् । साबिक विजेता नेपालले भने चार खेलमा चार अङ्क जोड्दै प्रतियोगिता अन्त्य गर्यो ।
आमन्त्रित टोली रुस शीर्ष स्थानमा रहँदै च्याम्पियन बन्यो । नेपालले प्रतियोगितामा भुटानलाई मात्र हराउन सक्यो । ४ खेलमा नेपालले एकमा जीत हासिल गर्यो भने एकमा बराबरी र दुईमा पराजय बेहोर्यो । पहिलो खेलमा नेपाल भारतसँग पराजित बन्यो भने दोस्रो खेलमा भुटानलाई पराजित गरेको थियो । तेस्रो खेलमा रुससँग हारेको नेपालले अन्तिम खेलमा बंगलादेशसँग बराबरी गर्यो ।
प्रतियोगितामा भारतकी सिल्जी साजीले ८ गोल गर्दै प्रतियोगिताको सर्वाधिक गोलकर्ता बनिन् । रुसकी एलिना गोलिकले ‘मस्ट भ्यालुएभल खेलाडी’को उपाधि हात पारिन् । दोस्रो बनेको भारतले फेयर प्ले अवार्ड पनि हात पार्यो ।
प्रतिक्रिया दिनुहोस
सफल खबर संवाददाता
बुधबार, १५ चैत्र २०७९, ०९ : १२
लेखकबाट थप