ए डिभिजन लिगको खेलमा क्रिकेट टिमलाई सम्मान गरिने

काठमाडौँ । शनिबार त्रिपुरेश्वरस्थित दशरथ रंगशालामा नेपाली क्रिकेट टोलीको सम्मान गरिने भएको छ । शनिबर बेलुका ५ः३० मा ए डिभिजन लिग अन्तरगत सशस्त्र प्रहरी र मनाङ मस्याङ्दीबीचको खेलमा राष्ट्रिय क्रिकेट टिमका खेलाडीहरुलाई सम्मान गरिने भएको एमडीएई स्पोर्टस्का कार्यकारी अधिकृत अर्जुन घिमिरेले जानकारी दिए । 

नेपाल आइसिसी एकदिवसीय विश्वकप छनौट चरणमा नेपाल प्रवेश गरेको अवसरमा  राष्ट्रिय क्रिकेट टिमका खेलाडीहरुलाई सम्मान गरिने भएको उनको भनाइ छ । सम्पूर्ण राष्ट्रिय क्रिकेट खेलाडीहरु उपस्थित हुने भोलिको खेलमा टिकटबाट प्राप्त हुने सम्पुर्ण रकम नेपाल क्रिकेट संघ ९क्यान० को खेलाडी कल्याण कोषमा हस्तान्तरण गरिने उनले बताए । 

सो खेलमा उपस्थित भएर क्रिकेट र फुटबललाई एकसाथ सम्मान र हौसला प्रदान गर्न उनले सबैमा अनुरोध गरेका छन् । 
उनका अनुसार रंगशालाको सामान्य प्याराफिटतर्फको रु १०० र भीआईपी प्याराफिटतर्फको रु ३०० को टिकट शहीद स्मारक लिगको आधिकारिक टिकेटिङ पार्टनर इसेवामार्फत खरिद गर्न सकिन्छ । साथै, गेटमा आएर पनि टिकट खरिद गर्न सकिने उनले बताए ।