चितवन । भरतपुर महानगरपालिकाले आर्थिक बर्ष ०७५/०७६ को नीति तथा कार्यक्रममा “हाम्रो प्रतिवद्धता हाम्रो रहर ,सुन्दर र समृद्ध भरतपुर महानगर” भन्ने नाराका साथ अगाडि बढ्ने बताएको छ ।
भरतपुरको क्यान्सर अडेटेरियम हलमा भरतपुर महानगरपालिका प्रमुख रेनु दाहालले नीति तथा कार्यक्रम प्रस्तुत गर्नु भएको थियो । महानगर प्रमुख दाहालद्वारा प्रस्तुत ८७ बुँदे नीति तथा कार्यक्रममा भरतपुर महानगरपालिकाले भौतिक पुर्वधार विकास, शिक्षा, स्वास्थ्य, आर्थिक, पर्यटन विकासका लक्ष्यहरु प्रस्तुत गरेको छ ।
नीति तथा कार्यक्रममा भरतपुर महानगर भित्र सडक संञ्जाल , पर्यटकीय स्थलको विकास लगाएतका विषयलाई प्रथामिकतामा रखिएको छ ।
त्यस्तै महानगरको पर्यटन विकास गर्न पर्या पटर्यटनलाई प्रर्वदन गर्दै जाने नीति लिईएको छ । नगरक्षेत्रमा तारे होटलहरुको स्थापना गर्न चाहनेहरुका लागि विशेष सहुलियत प्याकेज उपलब्ध गराईने नीति तथा कार्यक्रममा उल्लेख छ । महानगरपालिको कार्यसम्पादनलाई छिटो छरितो ,पारदर्शी ,गुणस्तरीय र प्रविधिमैत्री बनाउँदै भ्रष्टाचार विरुद्धको शून्य सहनशीलताको नीति अवलम्बन गरि हरेक महिना ‘मेयरसँग नगरबासी’ कार्यक्रम संचालन गरिने बताईएको छ ।
प्रतिक्रिया दिनुहोस