फिल्म ‘बाबरी’ को नयाँ पोस्टर सार्वजनिक

काठमाडौं । सुरेन्द्र पौडेलद्वारा निर्देशित फिल्म ‘बाबरी’ को नयाँ पोस्टर सार्वजनिक भएको छ ।

पोस्टरमा फिल्मका मुख्य कलाकार धीरज मगर, अदिति बुढाथोकी र धीरज नाडकर देखिएका छन् । त्रिकोणात्मक प्रेमकथामा निर्माण भएको फिल्ममा धीरजजद्वय र अदितिका अलवा बादल भट्ट, कमलमणि नेपाल, उर्मिला बस्नेत, ध्रुव कोइराला, सुनिता श्रेष्ठ, नितेश गुरुङ, त्रिशला तामाङ, दिलीप गुरुङ लगायतका कलाकारको अभिनय रहेको छ ।

भदौ ३१ गतेबाट प्रदर्शनमा आउने फिल्मको ट्रेलर साउन ३० गते रिलिज हुँदैछ । फिल्ममा निर्देशक पौडेलकै कथा र सम्पादन रहेको छ । कालीप्रसाद बाँस्कोटा, सुजन चापागाईँ, अनमोल गुरुङको संगीत, नरेन्द्र मैनालीको छायांकन रहेको फिल्ममा एञ्जिला खत्री र विक्रम लामाले कोरियोग्राफी गरेका छन् ।

बाबरी फिल्मस्को ब्यानरमा निर्माण भएको फिल्मका निर्माता गणेश बुढाथोकी र पुष्षलता बुढाथोकी रहेका छन् ।