काठमाडौँ । कुनै समय बलिउडमा हिट अभिनेत्रीको ट्याग पाएकी शिल्पा शेट्टीको समय ठीकठाक छैन । टेलिभिजन शोमा जजको कुर्सीमा बसेर ‘सुपर से उपर’ भन्दै प्रतिस्पर्धीको तारिफ गर्ने शैलीले शिल्पालाई दर्शकसँग बिरानो हुन दिएको थिएन । यति मात्र होइन कि उनले यही काम गरि-गरिकन नयाँ फ्यान बनाएको पनि अनुमान गर्न सकिन्थ्यो ।
तर टेलिभिजनमा उनलाई देखेर दंग पर्ने दर्शक हलमा जाने कष्ट भने गरेनन् । एउटा मात्र होइन, दुईदुई फिल्ममा शिल्पाले यो नियति भोग्नुपर्यो । अन्ततः बलिउडका अधिकांश अभिनेत्रीको झैँ उनको पनि कबब्याक बिर्सनलायक रह्यो । हंगामा २ पश्चात निकम्मा नामक फिल्ममा अभिनय गरेकी उनी असफल रहिन् । रियालिटी शोमा पाउने प्रशंसाले फिल्ममा उदाएकी शिल्पालाई दर्शकले ‘फ्री’ मै हेर्न चाहेको संकेत गरेका छन् ।
रियालिटी शोमा पुग्ने बलिउडकर्मी र दर्शकले दिने प्रतिक्रियाले हौसिएकी शिल्पा पुनः सानो पर्दामै क्रियाशील हुने संकेत देखिएको छ । उनी ठुलो पर्दामा पाइरहेको असफलताले बलिउड यात्रा बाँकी रहेको संकेत गर्दैन ।
प्रतिक्रिया दिनुहोस
सफल खबर संवाददाता
मंगलबार, ०७ असार २०७९, १४ : ५७
लेखकबाट थप