दीपिकाको स्वास्थ्य बिग्रिएपछि रोकियो प्रभासको फिल्म ?

काठमाडौँ । साउथ इन्डियन फिल्मका ठूला स्टार प्रभास र बलिउडकी दीपिका पादुकोणको अभिनय रहने भनिएको फिल्म ‘प्रोजेक्ट के’ को काम रोकिएको खबरले केही समय यता चर्चा पायो । दीपिकाको स्वास्थ्यमा समस्या आएपछि फिल्मको छायांकन रोकिएको भन्ने खबर भाइरल झैँ भयो । प्रभास यतिबेला सलार, प्रोजेक्ट के र आदिपुरुषमा काम गरिरहेका छन् । दीपिकाको कारण छायांकन रोकिएपछि प्रभासलाई सेड्युल मिलाउन समस्या परिरहेको खबर एकपछि अर्को मिडियामा आएपछि निर्माण पक्षले बोलेका छन् । 

फिल्म निर्माता मध्येकी एकले दीपिकाको कारण केही समय मात्र फिल्मको काम रोकिएको बताएकी छिन् । ‘दिपिकाको ब्लडप्रेसर बढेपछि चेकअपका लागि अस्पताल गएकी हुन् । उनी फर्किसकेकी छिन् । उनी प्रोफेसनल कलाकार हुन् । उनको कारण केही घण्टा मात्र फिल्मको छायांकन रोकिएको हो । उनको कामको बारेमा गलत हल्ला नफैल्याउँ’ उनले भनिन् ।