सुनिशासँग लगनगाँठो कस्दै राज

काठमाडाैँ । हाँस्य टेलीफिल्म ‘तीतो-सत्य’ मा राज बनेर अभिनय गरेका राज आचार्यले अभिनेत्री सुनिशा बजगाईंसँग विवाह गर्ने भएका छन् । टेली फिल्ममा दीपक राज गिरी र दीपाश्री निरौलाको छोरा बनेर अभिनय गरेका राजले सुनिशासँग यही असार ७ गते विवाह गर्न लागेका हुन् ।

सुनिशाले मंगलबार मात्र यस भनेको फोटो राख्दै विवाहका लागि स्वीकृति दिएको सङ्केत दिएकी थिइन् । त्योभन्दा अघि पनि उनले साथीको मेहन्दीको तस्बिर राख्दै ‘आइ एम नेक्स्ट’ को क्याप्सन राखेकी थिइन् ।

राज र सुनिशालाई केही समयदेखि टिकटक भिडियोमा बाक्लै देखिने गरेको थियो । यसैगरी राजले ‘छक्का पञ्जा’ सिरिजबाट अभिनयमा कम ब्याक गर्ने चर्चा छ । राज र सुनिशाले केही समयअघि ‘नजिक’बोलको म्युजिक भिडियोमा पनि सँगै अभिनय गरेका थिए ।