नवलपरासी । पहिरामा परी बिहीबार रातिदेखि बेपत्ता तीन जनाको शव फेला परेको छ । नवलपरासी (बर्दघाट सुस्तापूर्व) नवलपुरको हुप्सेकोट गाउँपालिका–४ को माथिल्लो चार घरेमा अविरल वर्षाका कारण शुक्रबार बिहान २ बजेको समयमा पहिरामा परी बेपत्ता तीनै जनाको शव शनिबार दिउँसो फेला परेको जिल्ला प्रहरी कार्यालय नवलपरासीपूर्व नवलपुरका सूचना अधिकारी मधुसुदन सिंहले बताए ।
शुक्रबार दिनभरि सुरक्षाकर्मीसहित स्थानीयवासीले खोजी गर्दा समेत पहिरामा परेका फेला नपरेपछि आज ५० जना थप सुरक्षाकर्मी परिचालन गरिएको थियो । पहिरामा पुरिएका एकै घरका तीन जना बेपत्ता भएका थिए ।
हुप्सेकोट–४ माथिल्लो चारघरेका हस्तबहादुर पुलामीकी श्रीमती ४० वर्षीया धनमाया पुलामी, नातिनी सात वर्षीया भूमिसरा पुलामी र छ वर्षीया देउमाया पुलामी राति सुतिरहेको समयमा एक्कासी आएको पहिरामा परी बेपत्ता भएका थिए । हस्तबहादुर पुलामीको भने घाइते अवस्थामा उद्धार गरिएको थियो ।
प्रतिक्रिया दिनुहोस
रासस
शनिबार, १२ भदौ २०७८, १८ : ५५
लेखकबाट थप
सम्बन्धित समाचारहरु
पौडी खेल्ने क्रममा आँधीखोलामा एक जना बेपत्ता
मलेसियामा बेपत्ता भएका गोपाल आठ वर्षपछि घर आइपुगे
महोत्तरीबाट १५ देखि २० वर्ष उमेर समूहका ५ किशोरी ३ दिनदेखि बेपत्ता
कीर्तिमानी आरोही तेन्जेन शिसापाङ हिमपहिरोमा परी बेपत्ता
सेती नदीमा डुबेर दुई बालक बेपत्ता
सेती नदीमा नुहाउने क्रममा दुई बालक बेपत्ता