थपिए ४ सय ९ जना कोरोना संक्रमित, ६ जनाको मृत्यु

काठमाडौँ । पछिल्लो २४ घण्टामा ४ सय ९ जना कोरोना संक्रमित थपिएकासँगै देशभर कोरोना संक्रमितको कुल संख्या २ लाख ६३ हजार १ सय ९३ पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ६ जना कोरोना संक्रमितको मृत्यु भएको छ । यससँगै देशभर कोरोनाबाट ज्यान गुमाउनेको संख्या १ हजार ८ सय ९९ पुगेको छ ।

बुधबार ४९५ जना कोरोना संक्रमित डिस्चार्ज भएका छन् । हालसम्म डिस्चार्ज हुनेको संख्या २ लाख ५६ हजार १६१ पुगेको छ ।

हाल देशभर ५ हजार १ सय ३३ जना सक्रिय संक्रमित रहेका छन् । गत २४ घन्टामा ६ हजार ७ सय ६ पीसीआर परीक्षण भएको छ ।