चितवन । कोरोना भाइरसको त्रास बढिरहेको बेला चितवनको माडी नगरपालिकाका समाजसेवी प्रकाश रिजालले आइसोलेसन वार्डको लागि घर दिने घोषणा गरेका छन् ।
माडी नगरपालिका वडा नं १ मा रहेको १२ जनाभन्दा बढी मानिस अट्न सक्ने घर आइसोलेसन वार्डको लागि दिने घोषणा गरेको समाजसेवी रिजालले सफल खबरलाई जानकारी दिए ।
आइसोलेसन सञ्चालनको लागि आजैदेखि घर खाली गरिसकिएको बताए । उनले भने, ‘घर खाली गरिसकिएको छ, बिजुली, बत्ती, खानेपानी, शौचालय अस्पतालमा हुने सबै सुविधा घरमा रहेका छन् ।’ उनले आइसोलेसनको लागि आवश्यक परे आफ्नो अर्को घरसमेत खाली गरिदिने बताए ।
उनले भने, ‘आइसोलेसन वार्ड सञ्चालनको लागि मैले माडी नगर प्रमुख ठाकुर ढकाल, माडी वडा नं १ का वडाध्यक्ष कृष्ण पौडेललाई समेत जानकारी गराइसकेको छु् ।’
प्रतिक्रिया दिनुहोस
सम्बन्धित समाचारहरु
भारतमा मृत्यु भएका मजदुरको परिवारलाई माडी नगरपालिकाद्वारा आर्थिक सहयोग
भरतपुर महानगर र माडी नगरबिच भगिनी सम्बन्ध कायम
माडी नगरपालिकाद्वारा सुत्केरी पशुलाई भत्ता