तीव्र गतिमा टिपर चलाउँदा गयो चालक र सहचालकको ज्यान

काठमाडौं । काठमाडौंबाट फोहोर बोकेर नुवाकोटको सिसडोल जाँदै गरेको टिपर दुर्घटना हुँदा दुई जनाको मृत्यु भएको छ ।

महानगरीय प्रहरी वृत बालाजुका प्रमुख रन्जित सिंह राठौरका अनुसार ना २ क ३३८ नम्बरको टिपर शुक्रबार काठमाडौंको तारकेश्वर नगरपालिकास्थित जितपुरको कोट गाउँमा दुर्घटना भएको हो । दुर्घटनामा परी चालक माइला तामाङ्ग र सह चालक कमल तामाङ्गको घटना स्थलमै मृत्यु भएको छ ।

उनका अनुसार ट्रिपर तीव्र गतिमा रहेको र सडकबाट ५० मिटर तल आलुबारीमा खसेको थियो । ट्रिपरले  ‘क्लिन नेपाल’ नामक कम्पनीको फोहोर ढुवानी गर्दै आएको थियो ।