आफ्नै विद्यालयको बसले ठक्कर दिँदा विद्यार्थीको मृत्यु

चितवन । आफ्नै विद्यालयको बसले ठक्कर दिँदा नवलपुुरको गैंडाकोटमा एक विद्यार्थीको मृत्यु भएको छ । गैंडाकोट नगरपालीका १६ मा रहेको युनिक अमरापुरी वोर्डिङको ग १ ख ३६१० नम्बरको स्कुल बसले ठक्कर दिँदा सोही विद्यालयमा अध्ययनरत विद्यार्थीको मृत्यु भएको हो । 
सोही विद्यालयको कक्षा ६ मा अध्ययनरत गैंडाकोट १७ की ११ वर्षीय विनीसा पौडेलको मृत्यु भएको ईलाका प्रहरी कार्यालय गैंडाकोटले जनाएको छ । 

विनिसालाई स्कुल विदा भएपछि घर जान गाडी चढ्नेक्रममा बसले विहीबार अपरान्ह ४ : ४० बजेको समयमा ठक्कर दिँदा गम्भीर घाइते भएकी थिइन । उनको भरतपुरस्थित नयाँ मेडिकल कलेजमा उपचारका क्रममा साँझ ५ : १० बजेको समयमा मृत्यु भएको प्रहरीले जनाएको छ ।
ठक्कर दिने बस प्रहरीको नियन्त्रणमा रहेको छ भने चालक फरार रहेको प्रहरीले जनाएको छ ।