सगरमाथा आरोहण : आफ्नै रेकर्ड तोडे कामिरिताले

काठमाडौं  । नयाँ विश्व किर्तिमान कायम गदै कामिरिता शेर्पाले २३ औं पटक सगरमाथाको सफल आरोहण गरेका छन् । शेर्पाले आज विहान ७ वजेर ५० मिनेटमा सर्वाेच्च शिखर सगरमाथाको सफल आरोहण पूरा गरेका हुन् । यो नयाँ विश्व किर्तिमान हो ।

सोलुखुम्बुको थामे गाउँका ४९ वर्षिय कामिरिताले आफ्नै नाममा रहेको सर्वाधिक पटक विश्वको सर्वोच्च शिखर आरोहण गर्ने कीर्तिमान तोडेका हुन् । पर्यटन विभागकी निर्देशक मीरा आचार्यका अनुसार, कामिरिता शेर्पा र ओङ्दी शेर्पाले हिवान सर्वाेच्च शिखरमा सफल आरोहण गरेका हुन् ।

आचार्य स्वंम् पनि अहिले सगरमाथाकोअ ाधार शिविरमा छिन् । कामिरिताको आरोहण कम्पनी सेभेन समिट्स ट्रेक्सका टासी लाक्पा शेर्पाले आरोहणको पुष्टि गर्दै यो राष्ट्रकै गौरवको कुरा भएको बताए ।

सन् १९९४ मा पहिलो पटक सगरमाथाको आरोहण गरेका कामिरिताले२५ पटक चुचुरोमा टेकेपछि विश्राम लिने बताएका छन् । सन् २०१४ मा खुम्बु आइसफलमा गएको हिमपहिरोमा १६ शेर्पाले ज्यान गुमाएपछि उनले आरोहण त्याग्ने मनसाय व्यक्त गरेका थिए । तर हिमालसँगको पुरानो नाताले केही महिनामै उनको मन बदलियो । त्यसपछि फेरि उनले आरोहण रोकेनन् ।

उनी हिमाल चढ्नुभन्दा एक महिना अघिदेखि गुम्बाहरूमा पूजा गर्न सुरु गर्छन् ।

एक्काइस पटक सगरमाथा चढिसकेका आप्पा शेर्पा र फुर्वातासी शेर्पाले आरोहणबाट सन्यास लिइसकेका छन् भने ३८ वर्षिय ङिमा नुरु शेर्पा अझै सक्रिय छन् । ङिमा नुरु शेर्पा यस पटक तिब्बततर्फबाट सगरमाथा चढ्ने प्रयासमा छन् ।

सबैभन्दा बढी सगरमाथा आरोहण गर्ने नेपाली