एभेन्जर्स इन्डगेम फिल्म हेरेपछि चीनिया युवती अस्पतालमा, फिल्मले कमायो सर्वाधिक

काठमाडौं । सुपरहिरो सिरिज एभेन्जर्स इन्डगेम फिल्म हेरेपछि चीनकी एक युवतीको स्वास्थ्य नै बिग्रिएको छ । उनलाई अस्पतालमा नै भर्ना गर्नु पर्‍यो । सुपरहिरो सिरिज एभेन्जर्स इन्डगेम संसारको सबैभन्दा चर्चित फिल्ममध्येको एक हो । यो एभेन्जर्स सिरिजको अन्तिम फिल्म हो । 
२१ वर्षकी ती युवती फिल्म हेर्न हलमा पुगिन् । फिल्म हेरेपछि उनी निकै दुःखी भइन् र रुन थालिन् । उनी थुप्रै घण्टासम्म रोएका कारण स्वास्थ्य बिग्रन थाल्यो । त्यसपछि उनलाई अस्पताल भर्ना गर्नुपर्यो । जब उनलाई अस्पताल पुर्याइयो उनलाई सास फेर्न समस्या भइरहेको थियो र उनको हात खुट्टा सुन्निएका थिए । डाक्टरले उनलाई अक्सिजन लगाउनु पर्यो र उनलाई नर्मल गराउन निकै सान्त्वना दिनुपर्‍यो  । यो फिल्मले चीनमा अहिलेसम्म ३३० करोड कमाइसकेको छ । साथै, यो संसारको सबैभन्दा धेरै कमाई गर्ने फिल्ममा समावेश भएको छ । फिल्मले संसारभरी १,१८६ करोडभन्दा बढी कमाई गरेको छ ।