बलिउड स्टार चर्चा, फ्यान फलोअर्स र कमाइका आधारमा विश्वमै अगाडि आउँछन् । कतिपय बलिउड कलाकार भारतबाहिर जन्मिएर भारतलाई कर्मक्षेत्र बनाएका छन् । अहिलेका चर्चित यी चार हिरोइन पनि भारतबाहिर जन्मिएका हुन् :
क्याट्रिना कैफ
दीपिकाजस्तै क्याट्रिना पनि भारतमा जन्मेकी होइनन् । अहिले बलिउडबाट नाम कमाए पनि क्याट्रिना बेलायती अभिनेत्री तथा मोडल हुन् । उनको वास्तविक नाम क्याट्रिना टरकांट हो । हुन त उनी एक दशकदेखि बलिउडमा सक्रिय छिन् । हिन्दी भाषा नजानेका कारण सुरुवातमा क्याट्रिनालाई निकै गाह्रो भएको थियो । अहिले उनको भाषामा निकै सुधार भएको छ ।
दीपिका पादुकोण
दीपिका पादुकोण बलिउड अभिनेत्री हुन् र भारतीय पनि । उनको जन्म भने डेनमार्कको कोपेनहेगनमा भएको थियो । दीपिकाको परिवार बैंगलोर आउँदा उनी एक वर्षकी थिइन् । त्यसपछि मात्र दीपिका सधैँका लागि भारतमा बसेकी हुन् । मोडलिङबाट आफ्नो करिअर सुरु गरेकी दीपिकाले हलिउडमा पनि पाइला राखिसकेकी छिन् ।
आलिया भट्ट
बलिउडकी अहिलेकी चल्तीकी हिरोइन हुन्, आलिया भट्ट । आलियालाई नयाँ सुपरस्टार हिरोइनका रूपमा हेरिने गरिन्छ । उनले लगातार हिट फिल्म दिइरहेकी छिन् । लाखौँ फ्यान कमाएकी आलियाको जन्म पनि भारतमा भएको थिएन । उनी बेलायतमा जन्मेकी थिइन् । उनकी आमा रोजदान कास्मिरी मूलकी जर्मन नागरिक हुन् । पिता महेश भट्ट भने गुजराती हुन् ।
नरगिस फखरी
‘रकस्टार’, ‘मद्रास क्याफे’ र ‘फटा पोस्टर निकला हिरो’ जस्ता फिल्ममा काम गरिसकेकी अभिनेत्री नरगिस फखरी भारतीय नभई अमेरिकन हिरोइन हुन् । नरगिसका पिता पाकिस्तानी थिए । उनी कामको खोजीमा अमेरिका पुगेका हुन् । नरगिसको जन्म त्यही भएको थियो । - नयाँ पत्रिकाबाट
प्रतिक्रिया दिनुहोस