चितवन । तीर्थ यात्रामा निस्किएका पूर्वराजा ज्ञानेन्द्र शाह र भारतीय जनता पार्टीका नेता एवं उत्तर प्रदेशका मुख्यमन्त्री आदित्यनाथ योगीबीच भारतको लखनउमा भेटवार्ता भएको छ । लखनउस्थित योगीको सरकारी निवासमा उनीहरुबीच भेटवार्ता भएको हो ।
‘आज लखनउस्थित सरकारी निवासमा नेपालका पूर्व नरेश ज्ञानेन्द्र वीर विक्रम शाहले भेट गरे,’ तस्बिरसहित पोष्ट गर्दै योगीले आफ्नो ट्विटरमा लेखेका छन् ।
भेटका अवसरमा मुख्यमन्त्री योगीले पूर्वराजा शाहलाई दोसल्लाह ओढाएर सम्मान गरेका थिए।
पश्चिम नेपालका विभिन्न धार्मिक स्थलको भ्रमण तथा पुजापाठ गरी पूर्व राजा शाह धनगढी हुँदै परिवारसहति लखनउ पुगेका थिए ।
प्रतिक्रिया दिनुहोस