नेटफ्ल्क्सिमा आयो ‘पुष्पा २’

काठमाडौैं । ‘पुष्पा २’ सन् २०२४ मा भारतको धेरै कमाउने फिल्म हो । अल्लु अर्जुन स्टारर तेलुगु एक्सन–थ्रीलर डिसेम्बर ५ मा हलमा रिलिज भएको थियो । फिल्मले विश्वब्यापी १८०० करोड भारु कमाएको छ ।

सुकुमार निर्देशित फिल्म भारतीय फिल्म इतिहासमा  सर्वकालिन धेरै कमाउने फिल्म हो । डिजिटल रिलिजको प्रतीक्षामा यो फिल्मलाई लिएर फ्यान उत्साहित थियो । नेटफ्ल्क्सिले यसको स्ट्रिमिङ अधिकार महंगो मूल्यमा खरिद गरेको थियो । विहिबारदेखि प्लाटफर्मले फिल्म रिलिज गरेको छ ।

‘रिलोड भर्सन’ बताइएको ‘पुष्पा २’को २३ मिनेटको नयाँ दृश्य नेटफ्ल्क्सिमा हेर्न पाइनेछ । यसअघि हलमा दर्शकले यी दृश्य हेर्न पाएका थिएनन् । यसकारण पनि, यसको डिजिटल संस्करणको रिलिज प्रतीक्षित थियो ।

अहिलेलाई भने नेटफ्ल्क्सिमा हिन्दी, तामिल, तेलुगु, मलायलम संस्करणमा रिलिज भएको हो । कन्नाडा संस्करणको फिल्म भने चाँडै उपलब्ध हुने जनाइएको छ । नेटफ्ल्क्सिले २७० करोड भारुमा यो फिल्मको डिजिटल राइट किनेको थियो ।