कम्बोडियामा पक्राउ परेकी शाक्यलाई नेपाल ल्याइयो

काठमाडौं । वैदेशिक रोजगारी ठगी लगायत मुद्दामा इन्टरपोलबाट रेड नोटिस जारी भएसँगै कम्बोडियामा पक्राउ परेकी सिन्धुपाल्चोक मान्खा ठेगाना भएकी बिनु शाक्यलाई प्रहरीले नेपाल ल्याएको छ ।  उनलाई सम्बन्धित मुद्दामा कारवाही गर्ने/गराउने प्रयोजनार्थ आइतबार नेपाल फिर्ता ल्याइएको प्रहरी प्रधान कार्यलयले सोमबार जनाएको छ । 

वैदेशिक रोजगारीमा सिंगापुर पठाईदिन्छु भनि ४० जना भन्दा बढी व्यक्तिहरूबाट ५ करोड २ लाख ९४ हजार रूपैयाँ ठगी गरी फरार भएपछि शाक्य र उदयपुर त्रियुगा नगरपालिका-१० ठेगाना भएका सुजन आचार्य समेत विरुद्ध २०८० माघ १९ गते रेड नोटिस जारी भएको थियो ।

जसअनुसार असोज १ गते कम्बोडियाबाट दुवै जना परेकामा  सुजनलाई गत कात्तिक ९ गते नै नेपाल फिर्ता ल्याइसकिएको छ। बिनुलाई सम्बन्धित कसूरमा कानून बमोजिम कारवाही गराउने प्रयोजनार्थ प्रहरी वृत्त कालिमाटीमा बुझाइएको कार्यालयले जनाएको छ ।