आना कोइराला बनिन् 'मिस नेपाल नर्थ अमेरिका-२०२४ '

न्यूयोर्क । ‘मिस नेपाल नर्थ अमेरिका २०२४’को ताज  अमेरिकाको नर्थ क्यालोरिनाकी आना कोइरालाले जितेकी छन्। ड्रिम्स युनिभर्सल एलएलसी न्युयोर्कले आयोजना गरेको प्रतियोगिताको अन्तिम चरणमा पुगेका १७ जना प्रतिस्पर्धीलाई पछि पार्दै आनाले ‘मिस नेपाल नर्थ अमेरिका २०२४’को उपाधि जितेकी हुन्। 

शनिबार सम्पन्न उक्त प्रतियोगितामा रुवी पौडेल प्रथम र आदिश्री रेग्मी द्वितीय उपविजेता बनेका छन्। प्रतियोगितामा क्यानडा र अमेरिकाका विभिन्न राज्यहरूबाट १८ जना प्रतियोगीहरू सहभागी थिए।

मीनेसोटाकी आयुषा तुलाधर ,टेक्ससकी आदीश्री रेग्मी ,नर्थ क्यारोलाईनाकी आना कोइराला ,क्यानडाकी अनु सुबेदी ,न्यूयोर्ककी अस्मिता गिरी ,मिसिगनकी अश्मिता तुलाधर ,ओहायोकी दृश्य धिताल ,न्यूजर्सी ओनिका बानिया ,न्यूयोर्ककी प्रिजा राना ,बोस्टनकी रिजा पुरी ,मेरिल्याण्डकी रुबिना गिरी ,मेरिल्याण्डकी रुबी पौडेल , कोलोराडोकी सबिता चौलागाई  ,कोलोराडोकी सर्जु थापा ,जर्जियाकी सोफी पोखरेल ,क्यानडाकी स्वीकृति खड्का ,टेक्ससकी सुजन सुनुवार तथा क्यालिफोर्नियाकी उषा शाह मिस नेपाल नर्थ अमेरिका २०२४  अन्तिम शीर्ष १८ मा पुग्न सफल भएका थिए।