‘जन्ते बाख्रो’मा अभिनेता सौगात मल्ल अनुबन्धित

काठमाडौं । चलचित्र ‘जन्ते बाख्रो’को मुख्य भुमिकामा अभिनेता सौगात मल्ल अनुबन्धित भएका छन। मंगलबार निर्माण टिमले चलचित्रमा सौगात मल्ल अनुबन्धित भएको जानकारी गराएका हुन्।

सिमोस सुनुवारको निर्देशनमा तयार हुन लागेको यो चलचित्रको केही समय अघि निर्माण घोषणा गरिएको थियो । ‘जन्ते बाख्रो’ निर्माण घोषणा गर्दा चलचित्रमा कोको कलाकार रहने भन्ने बारे निर्माण टिमले जानकारी गराएका थिएनन।

यो चलचित्रमा सिमोस र सौगातले तेस्रो पटक सहकार्य गर्दैछन् । यसअघि उनीहरुले ‘झ्यानाकुटी’ र ‘हात्तीछाप’मा एकसाथ काम गरेका थिए । दुवै जना यो चलचित्रलाई लिएर उत्साहित छन।

आगामी भदौबाट छायांकन गरिने चलचित्रको कथा, पटकथा तथा संवाद प्रदीप भारद्धाजले लेखिरहेका छन् । मुईन इन्टरटेनमेन्टको ब्यानरमा निर्माण हुने चलचित्रमा सन्तोष गौतम र निर्देशक सिमोस सुनुवारको लगानी रहनेछ ।

चलचित्रमा अभिनय गर्ने अभिनेत्रीको भने अहिले खोजी भैरहेको निर्माण टिमले जनाएको छ । अहिले केही अभिनेत्रीसँग कुरा चलिरहेकाले केही दिनमा पात्र सुहाउँदो अभिनेत्रीलाई अनुबन्धित गर्ने तयारीमा निर्माण टिम रहेको छ ।