काठमाडौँ । राष्ट्रिय स्वतन्त्र पार्टीले हालै गाजाको अल अहली अस्पतालमा भएको आक्रमणबाट निर्दोष नागरिकले ज्यान गुमाउनु परेको घटनाबाट दुःखी र स्तब्ध रहेको बताएको छ । शुक्रबार रास्वपा प्रवक्ता मुकुल ढकालले एक विज्ञप्ति जारी गर्दै इजरायल र गाजा द्वन्द्वको परिणाम स्वरूप सर्वसाधारणको मृत्यु हुनु गम्भीर र निरन्तर चिन्ताको विषय रहेको बताएका हुन् ।
उनले विज्ञप्तिमा भनेका छन्–‘द्वन्द्वको परिणाम दुवै पक्षका धेरै निर्दोष व्यक्ति र परिवारहरूले भोग्नु परेको पीडा र क्षतिको साक्षी हुनु निराशाजनक छ । शोक सन्तप्त परिवारजनमा गहिरो समवेदना प्रकट गर्दै घाइतेहरूको शीघ्र स्वास्थ्य लाभको कामना गर्दछौँ ।’
उनले अहिलेको यो चुनौतीपूर्ण समयमा नागरिकहरूको जीवन रक्षा गर्ने कुरालाई सबैको साझा दायित्वलाई सम्झनुपर्ने बताएका छन् । उनले अहिलेको द्वन्द्वको क्रममा नागरिकहरूको सुरक्षालाई प्रमुख प्राथमिकता दिन सम्बन्धित पक्षलाई आग्रह गरेका छन् । उनले द्वन्द्व समस्याको समाधान नभएको उल्लेख गर्दै शान्ति स्थापनाको कामना गरेका छन् ।
प्रतिक्रिया दिनुहोस
सफल खबर संवाददाता
शुक्रबार, ०३ कार्तिक २०८०, ११ : ५०
लेखकबाट थप
सम्बन्धित समाचारहरु
रास्वपाको एक महिने समीक्षा यात्रा सुरु
नीति तथा कार्यक्रमले अर्थतन्त्र सुधारको जग बसाल्यो : डा. स्वर्णिम वाग्ले
संसदीय छानबिन समिति गठनमा समर्थन गर्न सक्दैनौँ :रास्वपा
रास्वपाले बोलायो केन्द्रीय समितिको बैठक
भन्सार महसुल छुटका सवारी साधन २० वर्षसम्म बिक्री गर्न नपाइने
कांग्रेसलाई रास्वपाको जवाफ- कुण्ठाको राजनीति छाडेर आउनुस्, कानूनी रूपमा जाऔँ