काठमाडौँ। भारतीय युवा उद्यमी अनुमप मित्तलले नेपाली राष्ट्रिय टोलीका सदस्य ललित राजवंशीलाई क्रिकेट ब्याट खरिदका लागि सहयोग गर्ने घोषणा गरेका छन् ।आईसीसी एसिया क्रिकेट नामक ह्यान्डलले ललित राजवंशीसँग अन्तर्राष्ट्रिय खेल खेल्न उपयुक्त ब्याट नरहेको भनेर ट्वीट गरेको थियो ।
त्यही ट्वीटमा रिप्लाइ गर्दै मित्तलले आफूले सहयोग उपलब्ध गराउने घोषणा गरेका हुन् ।राजवंशीले एक अन्तर्वार्तामा आफूसँग नेट प्राक्टिस गर्ने ब्याट भए पनि अन्तर्राष्ट्रिय खेल खेल्न उपयुक्त ब्याट नरहेको बताएका थिए ।
अन्तर्राष्ट्रिय खेलमा टिममेटसँग ब्याट सापटी माग्ने गरेको र प्राय: कुशल भुर्तेलको ब्याटले खेल्ने गरेको उनले बताएका थिए ।उनको अन्तर्वार्ताको उक्त क्लिप भाइरल बनेको थियो ।
प्रतिक्रिया दिनुहोस
सफल खबर संवाददाता
मंगलबार, २६ भदौ २०८०, १२ : ३८
लेखकबाट थप