एजेन्सी । इटालियन क्लब एसी मिलान युइएफए च्याम्पियन्स लिगको क्वाटरफाइनलमा प्रवेश गरेको छ।
बुधबार भएको दोस्रो लेगमा इंग्लिस क्लब टोटेनह्यामसँग गोलरहित बराबरी खेलेपछि पहिलो लेगको १-० को जितनै मिलानलाई क्वाटरफाइनल पुर्याउन पर्याप्त रह्यो। मिलानले ११ वर्षपछि क्वाटरफाइनलमा प्रवेश गरेको हो।
मिलान पछिल्लो पटक सन् २०११-१२ को सिजनमा क्वाटरफाइनलमा पुग्न सफल भएको थियो। टोटेनह्याम हटस्पर स्टेडियममा बुधबार राति भएको प्रतिस्पर्धात्मक खेलमा दुवै टोलीले गोलका केही राम्रा अवरि सिर्जना गरेपनि सदुपयोग गर्न नसक्दा खेल गोलरहित बराबरीमा सकियो।
घरेलु मैदानमा ७७औं मिनेटमा टोटेनह्याम १० खेलाडीमा समेटिन पुगेको थियो। क्रिस्टियन रोमेरो दोहोरो पहेलो कार्ड खाँदै मैदानबाट बाहिरिएपछि टोटेनह्याम थप दबाबमा परेको थियो। जसका कारण उसको खेलमा फर्किने सम्भावना थप कमजोर बन्यो। सन् २०११-१२ को सिजनमा मिलान क्वाटरफाइनलमा भने स्पेनिस क्लब बार्सिलोनासँग समग्रमा ३-१ ले पराजित हुँदै प्रतियोगिताबाट बाहिरिएको थियो।
प्रतिक्रिया दिनुहोस
एजेन्सी
विहीबार, २५ फागुन २०७९, ०८ : २१
लेखकबाट थप