सप्तरीबाट अवैध सामान बरामद

सप्तरी । सप्तरी प्रहरीले ५८ हजारभन्दा बढीको अवैध सामान बरामद गरेको छ । सप्तरीको छिन्नमस्ता गाउँपालिका वडा नम्बर ७ बाट प्रहरीले भारतबाट नेपालतर्फ ल्याउँदै गरेको ५८ हजारभन्दा बढी मूल्य बराबरको अवैध सामान बरामद गरेको हो ।

इलाका प्रहरी कार्यालय सखडाबाट खटिएका गस्ती टोलीले भारतबाट भन्सार छली नेपालतर्फ भित्राउँदै गरेका ५८ हजारभन्दा बढीको सामान पक्राउ गरेको सप्तरीका प्रहरी प्रवक्ता प्रहरी नायब उपरीक्षक नरेश कुमार सिंहले जानकारी दिए ।

प्रवक्ता सिंहले भने, 'इलाका प्रहरी कार्यालय सखडाबाट खटिएको प्रहरी टोलीले साँझ ८ बजे भारतबाट नेपालतर्फ चोरी निकासीका अबैध सामान बरामद गरिएको हो ।'

किराना सामान, कपडा लगायतका गरी ५८ हजार २ सय ३६ रुपैयाको अबैध सामान नियन्त्रणमा लिएको तथा संलग्न व्यक्ति भने सामान छाडेर भागेको प्रवक्ता सिंहले बताए ।