प्रधानन्यायाधीश जबराले तोके ८ वटा इजलास

काठमाडौं । प्रधानन्यायाधीश चोलेन्द्र शमशेर राणाले शुक्रबारका लागि ८ वटा इजलास तोकेका छन्। बुधबार र बिहीबार आफ्नो एकल इजलास तोकेका प्रधानन्यायाधीश राणाले आज भने न्यायाधीश कुमार चुडालसँग संयुक्त इजलास तोकेका छन् । 

शुक्रबार राणाले न्यायाधीशहरु दीपकुमार कार्की र प्रकाशमान सिंह राउत, मीरा खड्का र सुष्मालता माथेमा, हरिकृष्ण कार्की र विश्वम्भरप्रसाद श्रेष्ठ, बमकुमार श्रेष्ठ र कुमार रेग्मी, टंकबहादुर मोक्तान र हरि फुयाल प्रकाशकुमार ढुङ्गाना र मनोजकुमार शर्मा तथा चोलेन्द्रशमशेर जबरा र डा.कुमार चुडालको संयुक्त इजलास पनि गठन गरेका छन् ।

गत आइतबारदेखि सर्वोच्चमा इजलास तोकिए पनि सुनुवाइ अघि बढ्न सकेको छैन। अदालतकै न्यायाधीशहरुले इजलास बहिष्कार गर्दै आइरहेका छन्। आज पनि इजलास बस्ने सम्भावना ज्यादै न्यून छ ।