ताप्लेजुङ । ताप्लेजुङको नौ स्थानीय तहमध्ये ६ गाउँपालिका केन्द्रमा विद्युतको राष्ट्रिय प्रसारण लाइन जडान भएको छ । तीनवटा गाउँपालिका केन्द्रमा भने राष्ट्रिय प्रशारण लाइन पुग्न बाँकी रहेको छ ।
सदरमुकाम फुङ्लिङमा पहिलोपटक कात्तिक २०७२ मा राष्ट्रिय प्रशारण लाइन पुगेको थियो । राष्ट्रिय प्रसारण लाइन पुगेको ६ वर्षमा नौ स्थानीय तहमध्ये ६ गाउँपालिका केन्द्रमा राष्ट्रिय प्रसारण लाइन पुगेको नेपाल विद्युत प्राधिकरण ताप्लेजुङका प्रमुख प्राविधिक हेमन्त चौधरीले जानकारी दिए ।
फुङ्लिङ नगरपालिकाका ९४ प्रतिशत घरघुरीमा राष्ट्रिय प्रसारण लाइनबाट विद्युत सेवा पुगेको नेपाल विद्युत प्राविधिकरण ताप्लेजुङले जनाएको छ । मेरिङदेन गाउँपालिकामा ६० प्रतिशत, मैवाखोला गाउँपालिका ४८ प्रतिशत र सिदिङवा गाउँपालिकामा २० प्रतिशत घरधुरीमा राष्ट्रिय प्रसारण लाइन जोडान भएको विद्युत प्राविधिकरणले जनाएको छ ।
पाथीभरा याङवरक गाउँपालिकामा ९० प्रतिशत, सिरिजंगा गाउँपालिकामा ३० प्रतिशत र मिक्वाखोला गाउँपालिकामा दुई प्रतिशत घरघुरीमा राष्ट्रिय प्रसारण लाइन पुगेको विद्युत प्रविधिकरण ताप्लेजुङको तथ्यांकले जनाएको छ । आठराई त्रिवेणी गाउँपालिकामा ९२ प्रतिशत घरघुरी संख्यामा राष्ट्रिय प्रसारण लाइन पुगेको छ ।
फक्ताङलुङ गाउँपालिका, मिक्वाखोला गाउँपालिका र मैवाखोला गाउँपालिका केन्द्रमा राष्ट्रिय प्रसारण लाइन पुग्न बाँकी छ । जिल्लाकै ठूलो तथा नेपालको तेस्रो ठूलो गाउँपालिका फक्ताङलुङ गाउँपालिमा भने राष्ट्रिय प्रसारण लाइन पुगेको छैन् ।
राष्ट्रिय प्रसारण लाइन गाउँपालिका केन्द्रमा जडान नहुँदा गाउँपालिको प्रशासकीय काम गर्नसमेत सास्ती खेप्नु परेको फक्ताङलुङ गाउँपालिकाका सूचना अधिकारी जयप्रकाश रिजालले बताए । ‘सौर्य ऊर्जा सोलरमार्फत विद्युत आपूर्ति गर्दै आएका छौ । तर, घाम नलाक्दा ब्याट्री चार्ज हुँदैन’, उनले भने ।
गाउँपालिकाको प्रशासकीय काम मौसमअनुसार काम गर्नुपर्ने बाध्यता रहेको मिक्वाखो गाउँपालिकाका प्रमुख प्रशासकीय अधिकृत सुर्यप्रसाद तमुले बताए । राष्ट्रिय जनागणना २०६८ अनुसार ताप्लेजुङमा २६ हजार पाँच सय नौ घरधुरी छ । जसमा ६१ ७६ प्रतिशत घरधुरीमा राष्ट्रिय प्रसारण लाईन जोडान भएको विद्युत प्रविधिकरण ताप्लेजुङले जनाएको छ ।
हाइड्रोपावर निर्माणाधीन, उद्योग तथा सर्वसाधरणलगायत ताप्लेजुङमा दैनिक एक हजार पाँच सय किलो वाट विद्युत खपत हुदै आएको सूचना अधिकारी मंडलले बताए ।
प्रतिक्रिया दिनुहोस
सफल खबर संवाददाता
बुधबार, १६ भदौ २०७८, १४ : ४०
लेखकबाट थप