थपिए ४ सय ३० जना कोरोना संक्रमित, ५ जनाको मृत्यु

काठमाडौँ । पछिल्लो २४ घण्टामा ४ सय ३० जना कोरोना संक्रमित थपिएसँगै देशभर कोरोना संक्रमितको कुल संख्या २ लाख ६५ हजार ६ सय ९८ पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ५ जना कोरोना संक्रमितको मृत्यु भएको छ । यससँगै देशभर कोरोनाबाट ज्यान गुमाउनेको संख्या १ हजार ९ सय ३२ पुगेको छ ।

मंगलबार ३ सय ९० जना कोरोना संक्रमित डिस्चार्ज भएपछि हालसम्म डिस्चार्ज हुनेको संख्या २ लाख ५९ हजार ३ सय ५८ पुगेको छ ।

हाल देशभर ४ हजार ४ सय ८ जना सक्रिय संक्रमित रहेका छन् । गत २४ घन्टामा ५ हजार ३ सय पीसीआर परीक्षण भएको छ ।