पहाडी भूभागमा हावाहुरीको सम्भावना

काठमाडौं । पश्चिमी नेपालमा केही दिनअघि हावाहुरीले धनजनको क्षति गराएको घटना सेलाउन नपाउँदै पुन: देशका पहाडी भागमा हावाहुरीको सम्भावना देखाइएको छ ।
आज पनि पूर्वी तथा मध्य भूभाग लगायत पश्चिमी पहाडी भूभागमा हावाहुरीको सम्भावना रहेको मौसम पूर्वानुमान महाशाखाले जनाएको हो । महाशाखाका अनुसार भोलि दिउँसो देशका पूर्वी तथा मध्य भूभाग लगायत पश्चिमी पहाडी भूभागहरुमा सामान्य बदली रहने र बाँकी भागहरुमा आंशिक बदली रहने सम्भावना छ ।
देशका पूर्वी तथा मध्य भूभागका केही र पश्चिमी भूभागका थोेरै स्थानहरुमा मेघ गर्जन सहित वर्षाको सम्भावना रहेको पूर्वानुमान छ । भोलि राति देशका पूर्वी तथा मध्य भूभाग लगायत पश्चिमी पहाडी भूभागहरुमा सामान्य बदली रहने र बाँकी भागहरुमा आंशिक बदली रहने जनाइएको छ ।