मध्यरातमा विप्लवका १८ नेता कार्यकर्ता पक्राउ

काठमाडौं । सरकारले प्रतिवन्ध लगाएको नेत्रविक्रम चन्द (विप्लव) का १८ नेता कार्यकर्ता मध्यरातमा पक्राउ परेका छन् । गएराती उनीहरुलाई कास्कीको अन्नपूर्ण गाउँपालिका वडा नम्वर ११ बाट पक्राउ गरिएको प्रहरीले पुष्टी गरेको छ ।

प्रक्राउ पर्नेमा कास्की जिल्ला सेक्रेटरीसहित रहेका छन् । पक्राउ पर्नेहरूमा ४ महिलासहित १३ पुरूष रहेका छन ्। उक्त स्थानमा विप्लवका कास्की जिल्ला संगठन समितिको बैठक बसिरहेको सूचनाका आधारमा त्यहाँ पुगेको प्रहरीले उनीहरुलाई बैठक स्थलबाटै पक्राउ गरेको हो ।

पक्राउ पर्नेमा पार्टीका कास्की जिल्ला सेक्रेटरी मिलन राई (आक्रोश) लगायत छन् । उनीहरुलाई राती नै पोखरा ल्याईएको प्रहरीले जनाएको छ । दिउँसो नै त्यस क्षेत्र पुगेको प्रहरीले दिउसो प्रक्राउ गर्दा कुनै दुर्घटना हुन सक्ने ठानी रातको समय पारेर पक्राउ गरेको बताएको छ ।