काठमाडौँ । अनमोल केसीलाई बलिउडबाट अफर आएको छ । समाचारमा जनाए अनुसार स्व श्रीदेवी की छोरी जान्हवी कपूरको अपोजिटको लागी अनमोललाई अफर आएको बताइएको छ । फिल्म पेमा धोन्डुपले निर्देशन गर्दै छन् ।
पेमा चैत १ गते प्रदर्शनमा आएको फिल्म ‘द म्यान फ्रम काठमाडौं’ का निर्देशक हुन् । बुझिए अनुसार त्यस फिल्ममा बलिउड अभिनेता गुशलन ग्रोवरको पनि अभिनय रहनेछ ।
हाल फिल्मको स्क्रिप्टमा काम भइरहेको फिल्मको लागत १० करोड आसपास हुने बुझिएको छ । यसो त यस अघि पनि अनमोलले एक बलिउड फिल्म साइन गरेको खबर आएको थियो । यो कुरा अनमोल स्वयंले पनि स्वीकार गरेका थिए ।
प्रतिक्रिया दिनुहोस