काठमाडौँ । १३ औं दक्षिण एसियाली खेलकुद अन्तर्गत बिहीबार भएको पुरुष क्रिकेट प्रतियोगितामा नेपालले भुटान सामू विशाल लक्ष्य पस्केको छ । त्रिवि क्रिकेट मैदानमा टस हारेर ब्याटिङमा गरेको नेपालले निर्धारित २० ओभरमा ३ विकेट गुमाउँदै २३६ रन बनायो ।
नेपालका लागि कप्तान ज्ञानेन्द्र मल्लले ५५ बलमा १०७ रन बनाए । उच्च स्कोर बनाउने क्रममा कप्तान मल्लले ९ छक्का र ५ चौका प्रहार गरेका थिए। टि-२० मा शतक प्रहार गर्ने मल्ल नेपालका दोस्रा खेलाडी हुन् । यसअघि पारस खड्काले शतक प्रहार गरेका थिए । यस्तै पारस खड्काले २८ बलमा ९ चौका र १ छक्काको मद्दतले ५७ रन बनाए ।
उपकप्तान दीपेन्द्रसिंह ऐरीले २७ बलमा ४५ रन बनाए । नेपालले टी–२० मा बनाएको यो अहिलेसम्मकै उच्च स्कोर हो। नेपालको विकेट लिने क्रममा भुटानका कर्मा दोर्जीले २ विकेट लिए।
प्रतिक्रिया दिनुहोस
सफल खबर संवाददाता
विहीबार, १९ मंसिर २०७६, १२ : ०४
लेखकबाट थप