जहिले खसखस

काठमाडौं । साम्राज्ञीराज्यलक्ष्मी शाह यति सामाजिक सञ्जाल ‘अब्सेस्ड’ छिन् कि सेकेन्ड– सेकेन्डमा फोटो पोस्ट गरिरहन्छिन्। यही कारण उनको पोस्टमा धेरै लाइक भने हुँदैनन्। त्यसैले चर्चाअनुसार फलोअर पनि छैनन्। 

उनको एकाउन्ट, उनको रुचि, जे गरून् ! तर, समस्या त्यहाँनिर भइदिन्छ, जब उनी आफूले खेलेका फिल्मको लुक भटाभट हाल्दिन्छिन्। 
हाल साम्राज्ञी झापामा ‘रातो टीका निधारमा’को सुटिङ गरिरहेकी छिन्। तर, दिनदिनै उनको फोटो अपडेटले फिल्म नै हेर्नु नपर्ने बनाइसकेको छ। उनले हालेका फोटोले उनले फिल्ममा निर्वाह गरेको भूमिका फिल्म रिलिज नहुँदै बासी भइसकेको छ। यसैको आधारमा यतिबेला फिल्ममा साम्राज्ञीले गाउँले भूमिकादेखि एकल महिलासम्मको भूमिका निर्वाह गरेका समाचार बाहिरिएका छन्। उनले कुर्ता–सुरुवाल लगाएका फोटो हालेपछि मिडियाले यस्तै अनुमान गरेका छन्।  

साम्राज्ञीले हरेक चोटि यसै गरी सुटिङ सेटबाट तस्बिर निकाल्ने गरेकी छिन्। तर, उनको यही बानीले फिल्मको वजन भने घटाइरहेको छ। कलाकार सस्तो भइदिँदा फिल्म पनि सस्ता हुन्छन्। साम्राज्ञीलाई यो कुरा कसले बुझाइदिने ? सम्पूर्ण बाट