विशाल र रिमा ‘कमेडी च्याम्पियन’ लिएर आउँदै

काडमाडौं । नेपाल आइडल सिजन १ र द भोइस सिजन १ मा चिफ असिस्टेन्ट डिरेक्टर रहेका विशाल भण्डारीले नयाँ रियालिटी शो ‘कमेडी च्याम्पियन’ ल्याउने तयारी सकेका छन् । विशाल र रिमा विश्वकर्माले यस अघि नै नेपाल आइडलमा सहकार्य गरी सकेका छन् । यस पटक सोही सहकार्य कै निरन्तरता स्वरूप कमेडी जनरामा काम गर्ने यी दुर्इको जमर्को रहेको छ । केही समय यता रिमा विभिन्न स्ट्याण्डअप कमेडी शो हरुमा देखिँदै आएकी छन् । उनको यो उपस्थितिलाई आउँदो रियालिटी शोको तयारीको रुपमा लिन सकिन्छ ।
 
मह जोडीको विभिन्न हास्यव्यंग्य सिरियल, ट्वाक्क टुक्क, हिजो आजका कुरा, तितो सत्य, जिरे खुर्सानी हुँदै अगाडि बढेको कमेडी शो र हास्यव्यंग्यकलाकारको चर्चा पश्चात पछिल्लो समय भद्रगोलको नयाँ टिम र सन्दीप क्षेत्री बाहेक कुनै नयाँ अनुहार र शो आउन सकेको छैन । यो कमेडी च्याम्पियनले कमेडीका नयाँ स्टार जन्माउने विश्वास राखेका छन् विशाल र रीमाले । शोको निर्माण थ्री प्रोडक्सनले गर्नेछ ।