रेखाको दोहोरो चरित्र

काठमाडौँ । नेपालका केही सक्रिय अभिनेत्रीमध्ये रेखा थापा पहिलो नम्बरमा आउँछिन्। फिल्म र राजनीति दुवैतिर पाइला राखेकी रेखा पछिल्लो समय त क्रिकेटसँग पनि जोडिएकी छिन्।

नेपालमा हुन लागेको पहिलो महिला क्रिकेट लिगमा उनी एउटा टिमकी मालिक्नी हुन्। पछिल्लो समय बनाएका फिल्मले हावा खाइरहेका छन्। त्यसैैले रेखा यसको कारण खोज्न व्यस्त थिइन्। अन्ततः उनले यसको कारण फेला पारेकी छिन्।

रेखाले फिल्मप्रति दर्शकको विश्वसनीयता खस्कनुमा कलाकार र सञ्चारकर्मीको निकट सम्बन्ध रहेको निष्कर्ष निकालेकी छिन्। उनले एक टेलिभिजन अन्तर्वार्तामा भनिन्, ‘पहिला फिल्मकर्मी र सञ्चारकर्मीको निकट सम्बन्ध भए पनि मिडियामा आलोचना गरिन्थ्यो।

तर, विगत छसात वर्षदेखि हरेक फिल्मकर्मीको पकेटमा मिडिया छ। पत्रकारहरू चाहेर पनि फिल्मको आलोचना गर्न सक्दैनन्।’ तर, रमाइलो कुरा के छ भने जोसँग उनले यो कुरा बताइरहेकी थिइन्, उही सञ्चारकर्मीलाई उनी पकेटमा लिएर हिँड्थिन्। फिल्ममा मात्र होइन, बाहिर पनि रेखा दोहोरो चरित्र देखाउन खप्पिस छिन्। सम्पूर्ण बाट