चितवन । चितवनको दुई छुट्टाछुट्टै स्थानमा भएको दुर्घटनामा एक जनाको मृत्यु र आठ जना घाइते भएका छन् । विहिवार राति पूर्वी चितवनको राप्ती नगरपालिका–११ थकलटार भन्ने स्थानमा ना ६ त १९५४ नम्बरको ट्याक्टर अनियन्त्रित भई पल्टिदा ट्याक्टरमा सवार राप्ती ११ बस्ने वर्ष ६३ का हरिलाल सिङतानको घटनास्थलमा नै मृत्यु भएको छ भने अन्य दुई जना घाईते भएका छन् ।
त्यस्तै विहिवार मध्यरातमा काठमाण्डौबाट राजबिराज तर्फ जांदै गरेको ना ५ ख ४४०१ नम्बरको बस रत्ननगर–९ स्थित पूर्व–पश्चिम राजमार्ग सडकमा अनियन्त्रित भई सडकको डिभाईडरमा ठोक्किएर पल्टिदा बसमा सवार मध्ये ६ जना घाईते भएका छन ।
सबै घाईतेहरुको पुरानो मेडिकल कलेज भरतपुरमा उपचार भई रहेको जिल्ला प्रहरी कार्यालय चितवनले जनाएको छ ।
प्रतिक्रिया दिनुहोस